Мексикийн Ерөнхийлөгч Фелипе Кальдерон албан тушаалаа хүлээлгэн өгснийхөө дараа Харвардын их сургуульд ажиллахаар болжээ.

Мексикийн Ерөнхийлөгч Фелипе Кальдерон албан тушаалаа хүлээлгэн өгснийхөө дараа Харвардын их сургуульд ажиллахаар болжээ. Түүний бүрэн эрхийн хугацаа ирэх сарын 1-нд дуусна. Түүний эхнэр Маргарита Завала нөхрийгөө Ерөнхийлөгчийн албан тушаалаа хүлээлгэн өгсний дараа гэр бүлийн хамт АНУ-д амьдарна гэж мэдэгдэж байсан юм.
Түүнчлэн Ф.Кальдероныг АНУ-д Харвардын их сургуульд ажиллаж магадгүй гэж мэдэгдэж байв. Мексикийн Ерөнхийлөгчөөр сүүлийн зургаан жил ажилласан Ф.Кальдерон хар тамхины бүлэглэлүүдтэй тэмцэж, хамгийн их эрэн сурвалжлагдсан 37 толгойлогчийн 25-ыг нь баривчилсан юм.
Үүнтэй холбогдуулан түүний гэр бүлд аюул заналхийлэх болсон байна. Тиймээс Ф.Кальдерон төрийн тэргүүний албан тушаалаа хүлээлгэн өгснийхөө дараа АНУ уруу цагаачлахыг хүсч байжээ. Юутай ч АНУ-ын Харвардын их сургууль Ф.Кальдеронд ажлын санал илгээжээ.