1.    Лиза Лопез бол “Waterfalls” болон “No Scrubs” зэрэг хитээрээр АНУ болон хилийн чанадад чамгvй нэр алдарт хvрч байсан охидын TLC хамтлагийн гишvvн байлаа. “Left eye” хэмээх хочтой Лизагийн зvvн нvд нь vнэхээр нөгөөхөө бодвол хөөрхөн байсан аж. Тоглолтын vеэр тэр зvvн нvдэндээ бэлгэвчээр хийсэн нvдний шил зvvн гарч ирдэг байсан нь аюулгvй сексийг сурталчилсан хэрэг болдог байлаа. Лиза 2002 онд Гондураст авто машины ослоор нас барсан юм.
Тэр vед тvvний бие даасан хоёрдахь цомог мөн хамтлагийн дөрөв дэхь CD-ний бэлтгэл ажил ид явагдаж байсан гэдэг. Ослын шалтгаан одоо болтол тогтоогдоогvй байгаа. 





2.    Жин Хэрлоуг цагтаа “цагаан секс бөмбөг” хэмээн өргөмжилдөг байлаа. Тэрээр жинхэнэ Мэрилин Монрог гарч ирэхээс өмнө кино урлагийн сахиусан тэнгэр гэгддэг байв. Хэрлоу нь алдарт Ховард Хьюзын “Тамын сахиусан тэнгэр”-ээс эхлээд домогт Кларк Гейбл, Жон Сантори зэрэг Холливудын томоохон төлөөлөгчидтэй олон кинонд хамт тоглосон. Тэрээр өөрийн ховсдох мэт харц, тачаангуй төрхөөрөө vзэгчдийг өөртөө татдаг  байлаа. Харамсалтай нь vзэсгэлэнт жvжигчин бvсгvй маань 26 насандаа бөөрний дутагдлаар хорвоог орхисон билээ. Хэдийгээр богино амьдарсан ч гэлээ Жин гурван удаа гэрлэж байсан бөгөөд хамгийн сvvлийн нөхөр нь тvvнийг vргэлж хардаж зоддог байснаас бөөрөндөө хvнд гэмтэл авсан байж болзошгvй гэж мэргэжилтнvvд vздэг. Мөн нас бардаг тэр жилдээ бvсгvй маш хvнд ханиад тусаж бvр эрчимт эмчилгээнд ортлоо хvндэрч байсан аж. Хожим нь алдарт Мэрилин Монро тvvний дурсгалд зориулсан нэгэн кинонд тоглох гэж байгаад амжилгvй нас барсан гэдэг.

3.    Анна Николь Смит нь эрчvvдийн гэгддэг зартай Playboy сэтгvvлд нvцгэн зургаа авахуулсныхаа маргааш өглөө сэрэхдээ өөрийгөө алдартай нэгэн болсноо мэдсэн. Мөн тvvнийг дээдсийнхний хvрээн дэхь тачаангуй бvсгvй болгоход нөлөөлсөн ба  нэг зvйл нь бол тэрбумтан Жэймс Ховард Маршаллтай гэрлэсэн явдал гэдэг. Тухайн vед 89-тэй байсан баян өвгөн хуримаа хийснээс хойш жилийн дараа таалал төгсчээ. Тэгвэл 2007.02.08-нд Аннаг Флоридагийн нэгэн зочид буудалд ухаангvй байхад нь олсон бөгөөд эмнэлэг рvv авч явах замд тэр нас барсан юм. Тvvний vхлийн талаарх хамгийн эхний таамаг нь хар тамхи хэтрvvлэн хэрэглэсэн. Учир нь задлан шинжилгээгээр алдарт плеймэйтийн цогцосоос 11 төрлийн мансууруулах төрлийн бодис илэрсэн байна.


4.    Уэльсийн гvнж агсан Диана нь Нэгдсэн Вант улсын хатан хааны ирээдvйн угсаа залгамжлах ханхvv Чарльзын анхны эхнэр байсан билээ. Диана бол “эрх гvнж” гэхээсээ илvvтэй хvмvvнлэнгийн болон сайн санааны vйлсээрээ дэлхийд танигдсан, хvн төрөлхтөний хайр хvндэтгэлийг хvртсэн нийгмийн томоохон зvтгэлтэн байсан юм. Тэр ч утгаараа Их Британид тvvнийг хатан хааны гэр бvлийн хамгийн нэр хvндтэй гишvvн хэмээн өргөмжлөөд зогсохгvй “-Queen of Hearts” хэмээдэг байлаа. Тэрээр Парист автын ослоор хорвоог орхисон. Тvvнтэй хамт явж байсан найз залуу нь болох Доди аль-Файед болон жолооч Анри Пол нар газар дээрээ нас барсан. Харин Дианагийн хувьд эмнэлэгт очоод хоёр цагийн дараа хvнд гэмтлээ даалгvй  байсаар мөнх бусыг vзvvлсэн юм. Тэгвэл цорын ганц амьд vлдсэн хvн бол гvнжийн бие хамгаалагч Тревор Рис-Жонс. Гэвч тэрээр тархиндаа хvнд гэмтэл авсны улмаас өнөөг хvртэл болсон vйл явдлыг огт санахгvй байгаа хэвээрээ. Аймшигт осол болоод 10 гаруй жил өнгөрөөд байгаа ч тvvний шалтгаан болоод буруутан нь эцсийн байдлаар тогтоогдоогvй л байнгаа билээ.



5.    Дороти Страттен бол эрчvvдийн зартай сэтгvvл болох Playboy-н хамгийн нэртэй загвар өмсөгчийн нэг байлаа. Тэрээр 1979 оны долоон сарын шилдэг плеймэйт болсон бол 1980 онд хамгийн шилдэгээр тодорч байв. Доротиг тvvний нөхөр Пол снайдер буудан амь насыг нь хороосон юм. Тухайн vед тэд салалтын байдалтай тус тусдаа амьдарч байсан бөгөөд загвар өмсөгч бvсгvйн хувьд өөрийн шинэ найз, найруулагч Питер Богдановичтэй нэр холбогдон нэг гэрт амьдардаг болоод байжээ. Тэр нэгэн өдөр Снайдер эхнэрээ vдийн зоогонд урьж өөрсдийн санхvvгийн байдлаар талаар ярилцах байсан хэдий ч vдэш нь бvсгvйг нөхрийнхөө гэрийн унтлагын өрөөнд толгойндоо буудуулсан байдалтайгаар цагдаагийнхан олжээ. Харамсалтай нь хэргийн учиг өнөөдөр болтол тайлагдахгvй байгаа нь нөхөр Снайдер нь эхнэрээ хороогоод дараа нь өөрийгөө буудсантай холбоотой. Тэр vдэш ямар яриа болсон, уулзалт хэрхэн өрнөсөн талаар ямар ч гэрч байхгvй.


6.    “Мексикийн Мадонна” хэмээн өргөмжлөгддөг байсан Селена нь тухайн vедээ Латин Америкийн хамгийн нэр хvндтэй дуучны нэгд тооцогддог байлаа. Селена нэр алдарын тавцанд бvр бага насандаа гарч ирсэн гэж болох бөгөөд өөрийн богино амьдралынхаа туршид тэрээр толгой эргэм олон дуу зохиож, хэдэн арван цомог гаргасан амжилтыг нь өнөөг хvртэл латин гаралтай нэг ч дуучин эвдээгvй байна. Селенагийн амийг тvvний фен клубын ерөнхийлөгч Иоланда Сальдивар гэгч бvсгvй хороосон байдаг. Сальдивар нь фэн клубээс гадна Селенагийн нэрийн барааг борлуулдаг Техас дахь дэлгvvрийн менежерийн vvргийг давхар гvйцэтгэдэг байсан бөгөөд нэг удаа хулгай хийснээсээ болж ажлаасаа бvр мөсөн хөөгдсөн байна. Харин 1995 оны гурван сард тэд Техасын Корпус-Кристи хэмээх хотод уулзаж сvvлчийн тооцоогоо хийж дуусгахаар болжээ. Ингээд уулзалт ч дуусаж Селена отелийг орхин гарах тэр агшинд Сальдивар тvvний араас нуруу руу нь бууджээ. Хэдийгээр дуучин бvсгvй эмнэлэгийн тусламж авч чадсан ч цус их алдсанаас болон тэсээгvй байна. Чухам тэр отелийн вип өрөөний ширээний ард бvсгvйчvvдийн дунд ямар маргаантай асуудал гарсанийг хэнч таамаглахгvй байсаар өнөөг хvрчээ.


7.    Крисси Тэйлор бол өөрийн төрсөн эгч, супер-модель Ники Тэйлорынхоо туслалцаатай загварын ертөнцөд орж ирсэн бvсгvй байв. 11-тэйгээсээ л эгчийнхээ хамт зураг авалтанд оролцож загварын шоунд хvчээ vзсээр тэр богино хугацаанд дээд лигт орж ирсэн. Гэтэл нэг хар өдөр Крисси эгчийнхээ гэрт vхсэн байсныг эцэг эх хоёр нь анх олжээ. Хожим нь бvсгvйг астмын улмаас гэнэтийн зvрхний дутагдалд орж нас барсан гэсэн эмнэлэгийн онош гаргасан. Харин гэрийнхнийх нь vзэж байгаагаар Крисси хэзээ ч өвчин ярьдаггvй, зvрх нь өвдөх байтугай ханиад ч тусаж байгаагvй эрvvл нэгэн байсан гэнэ. Тэгвэл яагаад… Тvvний найз залуу эмгэнэлт өдрөөс хойш ердөө гуравхан долоо хоногийн дараа гэрлэжээ.



8.   Шаргал vст, жvжигчин бvсгvй Жэйн Мэнсфильдийг 1950-иад оны секс бэлэг тэмдэгийн нэг байсан гэдгийг мэдэх хvн асар их. Гэхдээ тэрээр энэ нэр алдрыг хvртэхийн тулд Playboy-д нэг ч удаа зургаа авахуулж бас олон эрчvvдийн толгойг эргvvлж байгаагvй юм. Тэр өөрийнхөө байгаа гоо vзэмж, гоц авьяас чадвараараа тийнхvv 1950 оны vеийн кино урлагийн тvvхэнд тодоор бичигдэн vлдсэн. Харамсалтай нь Жэйн 1967 онд автын ослоор нас барсан билээ. Тэрээр тухайн vед өөрийн шинэ найз залуу болох Сэм Броди болон гурван хvvхдийн хамт аялж явжээ. Машин нь тоормосгvй болж жолоодлого алдан замын хажууруу өнхөрсөн бөгөөд азаар хvvхдvvд нь амьд vлдсэн гэдэг. Осол яг Жэйнийг жолоо сольсны дараа болжээ.




9.    Америкийн дуучин, жvжигчин бас загвар өмсөгч Аалия уран бvтээлээ хийж байсан нь саяхны өдөр мэт. Тэгтэл хорвоог орхиод даруй долоон жил болж. Тэр өөрийнхөө нэрний талаар “-Аалия гэдэг нь араб нэр. Маш их эрч хvчтэй гэсэн vг” хэмээн азгvй явдал тохиолдохынхоо өмнө мэдэгдэж байв. Тэрээр “Ромео vхэх ёстой” болон “Хараал идсэн хатан хаан” кинонд тоглосон. Дуучин бvсгvй 2001.08.25-нд Абако хэмээх арал дээр шинэ клипнийхээ зураг авалтанд оролцоод буцаж явахдаа онгоц нь дэлбэрснээс болон нас барсан. Тvvнтэй хамт байсан найман хvнээс хэн нь ч амьд гараагvй. Дэлбэрсэн гэхээр сэжигтэй л байгаа бололтой. Учир нь тvvний найз залуу одоо болтол онгоцны ослыг олж тогтоолгох хvсэлтээ шvvхээс буцааж аваагvй л байна.



10.    Алдарт найруулагч Роман Поланскийн эхнэр, “Алтан бөмбөрцөг” шагналын эзэн Шэрон Тэйтийг хэдийгээр бурханы оронд заларсан ч гэсэн найз нөхөд нь сайхан сэтгэл, хөгжилтэй зан чанараар нь өнөөг хvртэл хvндлэн хайрласаар иржээ. Тvvнийг дөрвөн найзынх нь хамт маньяк алуурчин Чарльз Мэнсон хэсэг зандалчдын хамт зэрлэгээр хөнөөсөн билээ. Тэр vед жvжигчин бvсгvй найман сартай жирэмсэн байсан хэдий ч алуурчин тvvний хэвлий дэхь хvvхдийг нь ч өршөөгөөгvй байна. Хичнээн олон гуйсан боловч цусанд улайрсан алуурчид тvvнийг 16 удаа хутгалан алжээ. Ингэхдээ гэдсэн дэхь хvvхдийг нь долоон удаа… Аймшигтай. Тэд юу ч дээрэмдэж тоноогvй. Зvгээр л тэднийг алах зорилготой байсан нь хожим тогтоогдсон. Юуны учраас?



11.    Мэрилин Монро бол Холливудын жинхэнэ идол, амьд сахиусан тэнгэр байсан хэмээн vзэгсэд өнөөдөр ч бий. Өөрийн гоо vзэсгэлэн, хэзээч давтагдашгvй тачаангvй дvр төрх, дурламтгvй зан чанар зэргээр “зэвсэглэсэн” энэ бvсгvй Америкийн ерөнхийлөгчөөс авахуулаад нэртэй тамирчид, урлагийн зvтгэлтэн бvр архичин эрийг ч өмнөө сөхрvvлж явсан. Хэн ч тvvний ялдам аашинд хатуурхаж чаддагvй байв. Харин тэрээр 1962.08.05-нд Брентвуд хотод 36 настайдаа таалал төгссөн. Vхлийн шалтгаан нь нойрсуулах эмийн тунг хэтрvvлсэн гэх. Гэхдээ vvний цаана өөр таван янзын таамаг бий. Кеннеди тэр хоёрыг амрагийн холбоотой байсан гэдгийг нууцлахын тулд тусгай албаныхан алсан. Мөн мафийн аллага, хар тамхи хэтрvvлсэн, амиа хорлолт, эмчлэгч эмч Ральф Гринсон нь эмийг андуурч уулгасан гэх мэт. Харин одоо болтол эдгээрээс яг  энэ нь гэсэн нэгдсэн шийдэл гараагvй л байна.


UNEN.mn  Х.Үнэнхүү