"Ирээдүй" цогцолбор сургуу лийн 15 жилийн ойд зориулсан өсвөр үеийн чөлөөт бөхийн тэмцээн өнгөрсөн сарын 30-нд "БуянтУхаа" спорт цогцолборт боллоо. Өсвөрийн бөхчүүдийн ур чадварыг дээшлүүлэх, залуу халааг тодруулах, харилцан туршлага солилцуулахаар зохион байгуулсан эл тэмцээнийг Японы мэргэжлийн сумо бөхийн Ёкузано Их аварга Харуфужи Д.Бямбадорж, "АБААЗАН" сан хамтран ивээн тэтгэсэн байна.

Тэмцээнд Баянзүрх, Налайх, Сонгинохайрхан, Сүхбаатар, Чингэлтэй, Хан-Уул дүүрэг, "Алдар" спорт хороо, "Ирээдүй" цогцолбор, "Ганьт", "Тэмүүжин" клуб, БТСДуС, "Аварга, "Мон-Алтиус" биеийн тамирын дээд сургууль, ҮБТДС, 58, 73, 76 дугаар дунд сургуулийн залуу бөхчүүд өрсөлджээ. Мөн Архангай, Баянхонгор, Булган, Дархан-Уул, ГовьС үмбэр, Дорноговь, Орхон, Өвөрхангай, Төв аймгийн спорт хороо, клубын тамирчид оролцож ур чадвараа сорьсон байна. Тэмцээнийг 23 шүүгч шүүжээ.