Филиппинчүүдийн дунд жил бүр уламжлал болгон зохиогддог сонирхолтой уралдаануудын нэг Өндөр өсгийттэй марафон гүйлтийн тэмцээн саяхан Марикана хотноо болж өндөрлөжээ.

 Филиппинчүүдийн дунд жил бүр уламжлал болгон зохиогддог сонирхолтой уралдаануудын нэг Өндөр өсгийттэй марафон гүйлтийн тэмцээн саяхан Марикана хотноо болж өндөрлөжээ. Уг тэмцээнд нас, хүйс ялгалгүй хүссэн хүн бүр оролцдог бөгөөд тэмцээнд оролцогчид хамгийн багадаа 3 сантиметрийн өндөртэй өсгийтэй гутал өмсөн хар хурдаараа гүйдэг байна. Гүйлтийн зай 500 метр бөгөөд хамгийн хурдан гүйсэн нь ялагч болж, өндөр шагналын эзэн болдог ажээ.
Эв хавгүй зарим эрчүүдийн хөлөнд өсгийттэй гутал тэсдэггүй бөгөөд замын голд өсгий нь хугарч, салж унан хөглөдөг бол бүсгүйчүүдийн хувьд хэзээний өмсч сурсан болохоор сурмаг гэгч нь гүйдэг байна. Зарим эрчүүдийн гуталтайгаа ижилсүүлсэн эмэгтэйлэг хувцаслалт олныг сонирхлыг ихэд татаж, хөгжөөдөг гэнэ.
Марикана хот нь Филиппиний чамин дэгжин, чанартай гутлын үйлдвэрлэлээр дагнасан хот бөгөөд жил бүр гутлын фестивалийнхаа хүрээнд энэхүү тэмцээнийг зохиодог юм байна.