“Хар хун” киноны од 31 настай жүжигчин Натали Портманыг сайхан бүсгүй биш гээд хэлчих хүн олдохгүй байх. Кинонд хамт тоглож байсан бүжигчин Бенджамин Миллипайдтай гэрлэсэн юм. Тэрбээр уг кинонд тоглосноор алдар хүнд болон ирээдүйн ханиа хоёуланг нь олж чаджээ. Тэд Калифорни дахь гэртээ еврей заншлаар гэрлэж, бие биендээ амлалт өгсөн гэнэ. Бусад олон алдартны адилаар Натали хуримаа өөрийн байшингийн гадаах цэцэрлэгтээ хийсэн байна. Энэ нь гэрэл зурагчдын дуран, шүтэн бишрэгчдээс хол байхад хамгийн тохиромжтой газар билээ. Натали Портман энэхүү онцгой өдөрт зориулж алдартай загвар зохион бүтээгчийн урласан бус энгийн урт ханцуйтай цагаан даашинз, толгойн чимэглэл зүүсэн байна. Ийнхүү тэднийг гэрлэсэнд бүх шүтэн бишрэгчид нь баярлаж, аз жаргал хүсэж байна.

Өдгөө 37 настай жүжигчин Дрю Бэрримор энэ оны зургадугаар сарын 7-нд дахин гэрлэсэн. Түүний нөхөр бол Уилл Копельман бөгөөд хосууд одоо үрийн зулай үнэрлэж, аз жаргалдаа умбаж байгаа. Тэдний гэрлэх ёслолд жүжигчин Камерон Диаз, Риз Уизерспун, Жимми Фэллон нарын алдартнууд оролцсон байна.