Казахстаны Хятадтай залгаа хилийн харуул 19 настай шинэ цэрэг Владислав Челах бүх насаараа хоригдох ял сонслоо. Тэрбээр өнгөрөгч зун Хятадын хилийн ойролцоох заставт 15 хүний аминд хүрчээ.
 Казахстаны шүүх өнгөрөгч мягмар гаригт түүний энэ хэрэгт бүх насаар нь хорих ял оноосон юм. В.Челах тавдугаар сард хамт алба хааж байсан 14 харуул болон нэг энгийн иргэнийг буудан хөнөөсөн бөгөөд хохирогчдын цогцсыг шатаажээ. Үүнээс хэдэн өдрийн дараа цогцсууд олдож В.Челах баривчлагджээ.