"Богдхан уулын хишиг" хүчит бөхийн барилдаан эхэллээ. Уг барилдааныг зур гаа дахь жилдээ зохион байгуулж байгаа бөгөөд Хан-Уул дүүргийн ЗДТГ, Монголын үндэсний бөхийн холбоо, АПУ хувьцаат компани хамтран зохион байгуулдаг аж. Барилдаанд хамгийн анх улсын заан М.Өсөхбаяр начин цолтойдоо, хамгийн сүүлд өнгөрсөн жил аймгийн начин Л.Цээсүрэн түрүүлж байв.

Харин энэ жилийн барилдаанд Булган аймгийн Бүрэгхангай сумын харьяат улсын заан Д.Баасандорж, Говь-Алтай аймгийн Эрдэнэ сумын харьяат улсын заан Б.Соронзонболд, Сэлэнгэ аймгийн Орхонтуул сумын харьяат улсын харцага Т.Өсөх-Ирээдүй, Дорноговь аймгийн Эрдэнэ сумын харьяат улсын харцага А.Цацавшир, Увс аймгийн Сагил сумын харьяат улсын харцага А.Бямбажав тэргүүтэй 256 бөх зодоглохоор иржээ.