Польшоос ирсэн хоёр зааныг Сибирийн их хүйтэнд хөлдөхөөс сэргийлж, орос эр архи уулгаж аварчээ. Новосибирск мужийн удирдлагуудын хэлж байгаагаар эдгээр заанууд нь Польшийн циркээс ирж явсан Ази заанууд байсан бөгөөд ачигдаж явсан модон саравч нь галд шатсаны улмаас -40 хэмийн тэсгим хүйтэнд замын голд гацаж, хөлдөх аюултай нүүр тулсан байна.
45, 48 настай тэднийг харгалзагч нь аврахын тулд уламжлалт орос аргаа ашиглан, архийг устай хольж өгсөн бөгөөд дулаацсан заанууд тусламж хүргэх хүртэл тэсч чаджээ. Тэднийг дулаан байранд хүргэх үед чихнүүд нь хөлдсөн байсан хэдий ч, үхэх аюулаас аварч чадсан байна.
Архи согтууруулах ундаа нь хүн болоод амьтдын биеийг амархан дулаацуулдаг нь үнэн боловч яаралтай арга хэмжээ авахгүй болвоос биеийн дулаанаа илүү хурдан алдахад хүргэж, хөлдөөдөг аж.