2012 оны клубуудын ДАШТий финалд Европ тивийг төлөөлөн Английн "Челси", Өмнөд Америкийн төлөөлөл Бразилийн "Коринтианс"- тай Японы Йокохама хотын "Ниссан" цэнгэлдэхэд тоглолоо.

2012 оны клубуудын ДАШТий финалд Европ тивийг төлөөлөн Английн "Челси", Өмнөд Америкийн төлөөлөл Бразилийн "Коринтианс"- тай Японы Йокохама хотын "Ниссан" цэнгэлдэхэд тоглолоо. "Челси" их шөвөгт Мексикийн "Монтеррей"-г 3:1-ийн харьцаатай буулгаж авсан бол "Коринтианс" Египетийн "Аль Ахли"-г 1:0-ийн харьцаатай буулган авч финалд таарсан. Хоёр баг тоглолтын турш эн тэнцүү тоглосон ч "Коринтианс"- ын хаалгач Кассио "Челси"-ийн довтолгоог няцааж байлаа.
Харин тоглолтын цор ганц гоолыг П.Гуэррэро 69 дэх минутад мөргөж оруулсан юм. Үндсэн цаг дуусахаас таван минутын өмнө Торрест гоолдох тун сайхан боломж олдсон ч хаалгач Кассио хааж, улмаар шүүгчийн мэдлийн сунгасан цагт гоол оруулсан ч отон тоглолтод орсон хэмээн туг өргөв.
Ийнхүү шүүгч шүглээ үлээснээр Бразилийн "Коринтианс" баг түүхэндээ хоёр дахь удаагаа клубын ДАШТ-д түрүүлж байна. Мөн "Челси" Европын багуудын сүүлийн таван жил дараалан түрүүлсэн амжилтыг зогсоолоо. Үүгээр ч зогсохгүй өнгөрсөн жилийн "Аваргуудын лиг"-ийн аварга баг хөлбөмбөгийн хар түүхийн эхлэлийг тавьсан.
Учир нь тэд энэ удаагийн "Аваргууд лиг"-т хэсгээсээ гарч чадалгүй мултарсан билээ. Ингэснээр тэднийг Английн хөлбөмбөгийн фанатууд "Гурван арсланчууд шившиг" хэмээх болсон юм.