Өмнөд Австралийн Минлатон хотын оршин суугч Кэлли Глэйзбрүүк хэмээх эмэгтэй өөрийн фэйсбүүк хуудаснаа зургаан сартай Финн хүүгийнхээ зургийг тавьснаар амийг нь аварчээ.

    Өмнөд Австралийн Минлатон хотын оршин суугч Кэлли Глэйзбрүүк хэмээх эмэгтэй өөрийн фэйсбүүк хуудаснаа зургаан сартай Финн хүүгийнхээ зургийг тавьснаар амийг нь аварчээ. Эл зургийг үзсэн ээжийнх нь найз хүүгийн зүүн нүдний болорт нүдний хавдрын эхний шинж тэмдэг болох цагаан бөөрөнхий зүйл байхыг ажигласан байна.
   Глэйзбрүүк найзынхаа зөвлөснөөр хүүхдээ нүдний эмчид үзүүлэхэд анхан шатны үзлэгээр хавдар гэдгийг нотолжээ. Улмаар “Adelaide” дахь хүүхдийн эмнэлэгт хүүгээ эмчлүүлэхээр болсон байна. Хүүгийн эх “Би үнэндээ гайхсан. Хүү минь хэвийн өсч торниж байтал гэнэт ийм мэдээ сонсоод итгээгүй. Гэхдээ найздаа итгэхгүй байхын аргагүй тэр бол анагаах ухааны эрдэмтэн хүн шүү дээ. Эрт үед нь илрүүлсэн нь азтай хэрэг. Найздаа талархаад баршгүй ”хэмээжээ. Эмч нар хүүгийн нүдийг химийн аргаар эмчлэхээр шийдсэн аж.
  Одоогийн байдлаар хүү гурван удаа химийн эмчилгээнд орсон байна. Хэдийгээр төв харааны системээ алдсан ч төхөөрөмжийн тусламжтайгаар харж байгаа гэнэ. Аннализа хавдрыг эрт оношилж чадвал эмчлэх бүрэн боломжтой хэмээжээ.