Өнөөдөр Зул сарын баярын өдөр билээ. Энэхүү баяр нь Христийн шашинтны баяр бөгөөд Есүс Христийн мэндэлсэн өдөр юм. Merry Christmas гэх мэндчилгээний үг нь ч "Христ мэндэлсний баяр хүргэе” гэсэн үг аж. Манай эриний 300-аад оны сүүлээр Христийн шашинтнууд Ромын эзэнт гүрний хүн амд давамгайлж эхэлсэн бөгөөд 1100 оны үед Зул сарын баяр шашны хамгийн өргөн хэмжээний ёслол болоод байв. Өдгөө ч  энэ баяр олон үндэстнийг хамарсан томоохон тэмдэглэлт өдөр хэвээр байгаа. Сүүлийн жилүүдэд манай улсад ч энэ өдрийг тэмдэглэж  рarty-аас эхлээд томоохон цэнгүүн зохион байгуулдаг болоод байгаа. Учир нь манай улсын итгэгчдийн тоо 40 мянга гаруй болсон гэх албан бус дүн бий.