Хятадын зүүн хойд зүгийн нутаг дэвсгэрт орших Харбин хотод 2000 гаруй уран баримал бүхий  мөсөн хотхон энэ амралтын өдрүүдээр үүдээ нээжээ.

 Хятадын зүүн хойд зүгийн нутаг дэвсгэрт орших Харбин хотод 2000 гаруй уран баримал бүхий  мөсөн хотхон энэ амралтын өдрүүдээр үүдээ нээжээ. 1985 оноос хойш жил бүр уламжлал болгон барьж буй мөсөн хотхонг Хятадын чадварлаг уран барималчид сэтгэл, оюунаа зориулан жил бүр урладаг бөгөөд 29 дэхь жилдээ зохиогдож байгаа юм байна. Олон орны зочид, жуулчид мөсөн хотхоны нээлтэнд оролцохоор -25 градусын хүйтнийг үл ажран олон мянгаараа хүрэлцэн ирсэн байжээ.
20 метрийн өндөртэй үзэсгэлэнт цайз нийлсэн мөсөн уран баримлуудыг хийхэд ойролцоох Сонхуа голын мөсөөр ашигласан байна.Үдэш болоход мөсөн хотхон улаан, цэнхэр, ногоон өнгөөр гэрэлтэж, хотыг чимж байгаа бөгөөд хүний хөл тасрахгүй байгаа гэнэ. Ирсэн зочид цайз өөд авиран гарч, мөсөн гулсуураар гулсан тоглож, хөгжилдөж байгаа аж.
Мөсөн хотхон ирэх сарын сүүлээр буюу мөс хайлж эхлэх хүртэл  олон нийтэд нээлттэй хэвээр байх юм байна.