Жүдо бөхийн УАШТ энэ сарын 7-9-нд Спортын төв ордонд болно. Ингэхдээ 7, 8-нд хувийн тэмцээн, харин 9-нд багийн тэмцээн болох ажээ. Улсын аваргаас шалгарсан тамирчдаас тивийн аваргыг зорих баг тамирчдыг сонгон шалгаруулах юм байна.
Мөн Лондоны олимпийн хүрэл медальт С.Ням-Очир, дэлхийн аварга Х.Цагаанбаатар нарын шилдгүүд зодоглох гэнэ. Харин Лондоны татамид эх орноо төлөөлсөн жүдочдоос М.Бундмаа, Н.Түвшинбаяр, Ц.Мөнхзаяа нарын зарим тамирчин энэ жилийн улсын аваргыг өнжихөөр болсон байна.