Чили дэхь дэлхийн хамгийн том радио телескоп энэ сараас эхлэн сансрын уудмыг бүрэн хэмжээгээр ажиглахад бэлэн болоод байна.

Чили дэхь дэлхийн хамгийн том радио телескоп энэ сараас эхлэн сансрын уудмыг бүрэн хэмжээгээр ажиглахад бэлэн болоод байна. Тус радио телескоп бүхий  ажиглалтын төв нь далайн түвшнээс дээш 5000 метрт орших Атакамагийн цөлд байрлаж байгаа бөгөөд өмнөх хүчин чадлаа хоёр дахин сайжруулж, сансраас мэдээлэл хүлээн авах 43 тавган антеньтай болжээ. Өмнө нь АНУ, Япон болон Европын Холбооны улс орнууд 2011 онд шинэчлэгдсэн 16 антениас мэдээлэл хүлээн авч байсан юм.
Ийнхүү шинэ антеньтай болсноор, телескопын хүчин чадал хоёр дахин ихэсч байгаа бөгөөд шинээр үүсч буй гаригийн тухай бүрт нь мэдэж, судлах боломжийг бүрдүүлж өгч байгаа гэнэ. Эрдэмтэд шинэчлэгдсэн тус телескопыг ашиглан сансрын уудмаас гадна орших амино хүчлүүд зэрэг органик нэгдлүүдийг мөн илрүүлэх аж. Телескопыг удахгүй 66 антеньтай болгож, хүчин чадлыг нь улам сайжруулах юм байна.