Өчигдөр буюу ням гарагт Италийн Гиглио арлын  орчимд 4200 гаруй зорчигчийг тээвэрлэж явсан тансаг зэрэглэлийн хөлөг онгоц Конкордиа осолдсоны нэг жилийн ойн өдөр тохиолоо. 

Өчигдөр буюу ням гарагт Италийн Гиглио арлын  орчимд 4200 гаруй зорчигчийг тээвэрлэж явсан тансаг зэрэглэлийн хөлөг онгоц Конкордиа осолдсоны нэг жилийн ойн өдөр тохиолоо.  Ослоор амиа алдсан 30 хүн, ор сураггүй алга болсон хоёр хүний хойноос ар гэрийнхэн нь эмгэнэн гашуудаж, одоо хэр нь далайд хагас живсэн байдалтай байгаа “Коста Конкордиа”  онгоцны дэргэд цуглан, далай руу цэцэг өргөн, гэгээн дурсгалыг нь хүндэтгэжээ. Түүний дараа, гэр бүлийнхэн, зорчигчдын аврах ажиллагаанд оролцсон хүмүүс болон орон нутгийн оршин суугчид арал дээрхи сүм дээр нэг дор чуулж, мөргөл үйлдсэн байна.
“Конкордиа” хөлөг онгоцны ахмад Францеско Шеттиног аврах багийн завинд сууж, амиа хоохойлон, хөлөг онгоцоо болон зорчигчдоо хаяж зугтсан явдалд буруутгасан хэвээр байгаа бөгөөд  зорчигчид нийлсэн 100 гаруй хүн зарга мэдүүлсэн тул үүрэг хариуцлагаа үл ухамсарлан, зорчигчдыг амиа алдахад хүргэсэн хэмээн үзэж, энэ сарын дундуур ял оноох төлөвтэй байгаа юм.