Монголын чөлөөт бөхийн шигшээ багийн тамирчид ОХУ-ын Красноярск хотноо жил бүр болдог Иван Ярыганы нэрэмжит олон улсын тэмцээнд оролцохоор болжээ.
Уг тэмцээн нь олон улсын бөхийн төрлүүдийн нэгдсэн холбоонд “бага дэлхийн аварга” гэгддэг томоохон тэмцээний нэг юм. Тэмцээнд АНУ, Япон, Иран зэрэг орны шигшээ багийн тамирчид жил бүр амжилттай оролцож ирсэн.
Энэ жил эрэгтэйчүүдийн 55, 60, 66, 74, 84, 96, 120, эмэгтэйчүүдийн 48, 51, 55, 59, 63, 67, 72 кг-ын жинд тамирчид хүч үзнэ.