Мэргэжлийн сумогийн нэгдүгээр сарын башё эхлээд 9 хонож байна. Монгол түмнийхээ нэрийг дуурсган барилдаж байгаа их аварга болон бусад бөхчүүд маань урамтай сайхан барилдааныг үзүүлж байгааг бид дөр бүхэн цэнхэр дэлгэцээр тольдон харж суугаа билээ. Тэр дундаа Монголоос Монгол нэрээ Япон төдийгүй дэлхийд таниулсан сумогийн 3 дахь их аварга маань хийморьтой сайхан барилдаж башёг тэргүүлсээр байна. Ама нэрээ Харумафүжи болгосон ч аварга маань энэ жилийн өнгийг тодорхойлохоор уран барилдаанаа үзүүлэн 9 даваад байна. Дал дахь их аваргын араас 69 дэх аварга Хакухо ганцхан унаатай нэхэж яваа бол Какирюү маань бас л урамтай сайхан барилдаж тэмцээнийг тэргүүлэгчдийн эгнээнд бичигдэж байгаа юм.