Болгарын Засгийн газар цөмийн цахилгаан станц барихтай холбогдуулан ард түмнийхээ саналыг сонсохоор болжээ. Хэрвээ дор хаяж 60 хувь нь “тийм” гэсэн санал өгвөл хойд хилийн Белене хотод шинэ цөмийн цахилгаан станц барих аж. Тус улс коммунист системийг халснаас хойш анх удаа бүх нийтийн санал асуулга явуулах гэж байгаа бөгөөд сөрөг хүчний Социалист нам ард түмнээс зөвшөөрөл авахыг эрх баригчдаас хүссэн байна.