Монголын сагсан бөмбөгийн холбоо, ахмадын зөвлөлтэйгөө хамтран сар шинийн баярыг тохиолдуулан ахмадуудаа “Чингис” зочид буудалд хүлээн авлаа. Хүндэтгэлийн хүлээн авалтад үе үеийн 65 ахмад тамирчин хүрэлцэн иржээ. Мөн сагсан бөмбөгийн ахмад тамирчин, спортын мастер Д.Содномзундуй агсны гэргий Б.Цэнд-Аюуш, ЦДБЭЧ-ын дуучин, гавьяат жүжигчин Ж.Одмаа нар урилгаар оролцсон байна. Үе үеийн ахмад тамирчид цугласан энэхүү уулзалтад ирсэн зочид дурсамжтай сайхан яриа өрнүүлж, залуу тамирчдадаа туршлагаасаа хуваалцжээ. Энэ үеэр “Сүү” ХК сагсан бөмбөгийн ахмад тамирчдад гарын бэлэг гардуулсан байна.