Оросын алдарт “Большой” театрын балетийн жүжгийн найруулагч Сергей Филиний нүүр рүү багтай этгээд хүчил цацсан билээ. Тэрбээр өнгөрөгч сарын 17-нд Москва дахь байрныхаа буланд уг халдлагад өртсөн бөгөөд нүүрэндээ гуравдугаар зэргийн түлэгдэлт авчээ. Үүнээс гадна ОХУ-д том дуулиан болоод буй уг хэргийн хохирогч С.Филинд хараагүй болох аюул нүүрлэжээ. Өдгөө 42 настай түүнийг эмч нар гадаадад эмчлүүлэхийг зөвлөсөн байна. Тэрбээр мэргэжилтнүүдийн зөвлөснөөр Германыг зорихоор болсон ба саяхан идэмхий хүчил цацсан этгээдийг маш сайн танина гэж хэлжээ.