Өнгөрөгч долоо хоногийн эхээр Хойд Солонгосын удирдагч Өмнөд Солонгос болон бусад улсуудтай харилцан гал нээхгүй байх талаар хийсэн гэрээгээ цуцлахаар мэдэгдсэн билээ. Мөн Хойд Солонгос нь цөмийн зэвсэг хэрэглэх эрхтэй гэдгээ албан ёсоор зарласан бөгөөд хэрэв Япон болон Солонгосын талаас ямар нэгэн буруутай алхам хийвэл дайн эхлэх амархан болох талаар ч цухуйлгаад амжсан.
Тэгвэл саланги арлын маргаан Азийн хоёр томоохон улсын хооронд үүсээд буй нь олон улсын бас нэгэн түгшүүр болоод байгаа билээ. Энэ хэрэг явдлаас болж өнгөрөгч зун Япон улс дайны билэн байдалд байна гэдгээ мэдэгдэж байсан бол Хятад тус арал руу байн байн тагнуул илгээж байсан юм. Япон улс Зүүн Хятадын тэнгисийн Дяоюйдао (Сенкаку) саланги арлуудыг булаан эзлэсэн явдал хоёр орны харилцаа болоод  бүс нутгийн байдлыг хурцатгах шалтгаан болсон гэж өчигдөр Хятад улсын Гадаад хэргийн  сайд Ян Зечи мэдэгдлээ. «Япон улсын үйл ажиллагаа Хятадын нутаг дэвсгэрийн бүрэн бүтэн байдлыг зөрчиж, Дэлхийн 2 дайнд байгуулсан ялалтын үр дүн ба дайнаас хойшхи дэлхийн дэг журмыг сорисон юм. Энэ нь япон-хятадын харилцааг хурцатгах,бүс нутгийн тогтонги байдлыг бусниулах шалтгаан болсон» гэж сайд Ян Зечи онцлоод японы талд хандан түгшүүртэй байдлыг даамжруулахаас сэрэмжлэхийн тулд зохих асуудлыг яриа хэлэлцээ, зөвлөлдөөн Хятад улстай хамтран хийх замаар шийдвэрлэхийг уриалав. Хятад-Японы харилцааг урт удаан хэвийн тогтвортой хөгжүүлэх нь хоёр орны үндсэн эрх ашигт нийцэж байна гэж тэрээр үүний хамт мэдэгджээ. Хятад, Япон улсууд Зүүн Хятадын тэнгисийн олтригт өнгөлзөж байна. Токио түүнийг Сенкаку, Бээжин Дяоюйдао хэмээн нэрлэжээ. 2012 онд японы засгийн газар олтригийн гурван арлыг улсын мэдэлд хурааснаас хойш хоёр талын харилцаа хурцадсан юм. Хятад ч Япон ч олтригийг өөрий нь нутаг дэвсгэр хэмээн үзэж, өөрсдийн эрхийг хамгаалах бодолтой байгаагаа мэдэгдлээ. Энэ бүхнийг олон улсын байгууллагад Ази тивд дайн эхлэхэд бараг л бэлэн байна. Хоёр Солонгос, Хятад Япон зэрэг тивдээ дээгүүрт орох улсууд хямралтай байгаа нь дэлхийн гуравдугаар дайн эхлэхэд ердөө л ганц алхам хүрэхгүй зай үлдээд байж магадгүй гэсэн дүгнэлтийг өөр өөрсдийн зүгээс өгч байна.