Хятадын Шанхай хотын ойролцоох Хуанпу голын эргээс 900 гаруй үхсэн гахай олджээ. Шанхай нь Хятадын хамгийн олон хүн амтай хот бөгөөд Хуанпу гол хотын оршин суугчдын ундны усны гол эх үүсвэр болдог байна. Гахайнууд голын эх болон дунд хэсгээс олдсон бөгөөд тэднийг ямар шалтгаанаар үхсэнийг тогтоохоор ажиллаж байгаа аж. Мөн албаныхан амьтны халдварт өвчин гэж үзэхгүй байна. Тэдний таамаглаж буйгаар фермийн нэгэн эзэн үхсэн гахайнуудаа голын эх рүү хаясан байж болзошгүй гэнэ.