Армяний Ерөнхийлөгчийн сонгуульд нэр дэвшигч, сөрөг хүчний “Өв уламжлал” намын дарга Раффи Ованнисян сонгуулийн дүнг эсэргүүцэн өлсгөлөн зарлалаа. Өнгөрөгч хоёрдугаар сарын 18-нд явагдсан энэхүү сонгуулийн эцсийн бөгөөд албан ёсны дүн саяхан гарч өнөөгийн Ерөнхийлөгч Серж Саргсян нийт сонгогчдын 58.64 хувийн саналаар улиран сонгогдсон юм. Харин Раффи Ованнисян болон түүний дэмжигчид урьдчилсан дүн гарсны дараагаас жагсаал цуглаан зохион байгуулж байв. Юутай ч, Серж Саргсян ирэх сарын 9-нд тангараг өргөхөөр төлөвлөжээ.