Канадын Квебек мужийн Сен-Жермен хотын шоронгоос хоёр хоригдол ням гарагт нисдэг тэргээр оргосон тухай ИТАР-ТАСС мэдээллээ. Уржигдар өдрийн цагаар 480 орчим хоригдол салхинд гарч байх үеэр хоёр хоригдлыг нисдэг тэрэг авсан талаар цагдаагийн ажилтан хэлсэн аж. Нисдэг тэрэгнээс унжуулсан олсоор хоёр хоригдлыг дээш нь татаж авчээ. 36 настай Бенжамин Юдон-Барбо, 33 настай Дэнни Провансаль нар оргосон гэнэ. “Гэнэт л нисдэг тэрэг гарч ирээд хоёр хоригдол олсоор дээш авирсан. Хамгаалагч нар юу ч хийж чадаагүй” гэж цагдаа ярьсан байна. Одоо Квебек мужид хоригдлуудыг хайх ажил үргэжлжилж байгаа аж.