Иракийн нийслэл Багдад хотод болсон цуврал дэлбэрэлтээр 25 хүн амиа алдаж, 50 хүн гэмтэж бэртсэн тухай ИТАР-ТАСС мэдээллээ.
Шашны шиит бүлгийн амьдардаг дүүрэгт дэлбэрэлт болсон байна. Дэлбэрэлт болсон газарт цагдаа нар, түргэн тусламжийн эмч нар ажиллаж байгаа юм. Одоогоор дэлбэрэлтийн хариуцлагыг хэт даврагсдын бүлгээс аль нь ч аваагүй аж. Шийт, суннит нарын шашны мөргөлдөөн нь удаан хугацааны туршид үргэлжилж байгаа юм. 2003 онд АНУ Иракт цөмрөн орсны дараа шийтүүд Засгийн эрхийг авснаас хойш мөргөлдөөн хурцадсан аж.