Хойд Солонгосын цэргийн дээд командлалын төлөөлөгч өчигдөр Гуам, Окинава дахь АНУ-ын цэргийн баазад пуужингийн цохилт өгнө гэж хэлжээ. Гуам нь Номхон далайн баруун хэсэгт орших АНУ-ын газар нутаг бол Окинава нь Японы арал юм. Хойд Солонгосын зүгээс АНУ, Өмнөд Солонгос, Япон Улсыг заналхийлэх иймэрхүү мэдэгдэл сүүлийн үед эрс нэмэгдэж байгаа бөгөөд ажиглагчид үүнд тус улсад ногдуулсан шинэ хориг арга хэмжээ болон Пхеньянийг чиглэсэн цэргийн сургуулилт, пуужингийн хамгаалалтын систем нөлөөлсөн хэмээн тайлбарлаж байна. Нөгөө талаас Пхеньян өөрийн цэргийн сүр хүчийг үзүүлсэн жагсаал болон хээрийн сургуулилт хийж буй дүрс бичлэг цацсаар байна.