Малийн босогчид Францын Засгийн газрыг эх оронд нь цэргээ оруулж, салан тусгаарлах үйл ажиллагааг нь зогсоосонд бухимдаж Францын нэгэн иргэнийг цаазаар авчээ. Филипп Вердо хэмээх энэ эр өнгөрөгч 2011 онд өөр нэг нутаг нэгтэнтэйгээ барьцаалагджээ. Түүнийг энэ сарын 10-нд цаазалсан хэмээн Мали дахь “Аль-Кайда”-гийн жигүүрийн хэвлэлийн төлөөлөгч мэдээлсэн байна. Харин Францын тал энэхүү мэдээллийг үнэн эсэхийг нягталж эхэлжээ.