Буриад Улсад чөлөөт бөхийн спорт үүсч хөгжсөний 50 жилийн ойд зориулсан Ерөнхийлөгчийн нэрэмжит барилдаан Улаан-Үд хотын Биеийн тамир, спортын цогцолборт хоёр өдрийн турш болж өндөрлөлөө. Эрэгтэй долоо, эмэгтэй дөрвөн жинд зохион байгуулсан тэмцээнд ОХУ-ын бүрэлдэхүүний Кемеров, Новосибирск, Эрхүү муж болон Красноярскийн хязгаар, Буриад, Хакас, Тува, АНУ, Беларусь, БНХАУ, Казахстан, Киргиз, Монгол, Тажик, Украины 180 гаруй бөх өрсөлджээ. Тэмцээний шагналын сан 1770000 рубль байсан бөгөөд үзэгчдийн нэрэмжит, шилдэг техниктэй бөх, ялахын төлөө тэмүүлэлтэй, оны шилдэг бөх гэсэн дөрвөн тусгай шагнал олгосон байна. 1997 оноос ФИЛА-гийн хуваарьт багтах болсон тус тэмцээн 2003 оноос “А” зэрэглэлийн ангилалд багтжээ. Улмаар 2007 оноос хөтөлбөртөө эмэгтэй чөлөөт бөхийн олимпийн дөрвөн жинг оруулсан байна. Манай бөхчүүд тэмцээнд оролцохын өмнө Красноярск хотын тамирчидтай 14 хоногийн хамтарсан бэлтгэл хийсэн юм. Мөн тэмцээний шүүгчдийн бүрэлдэхүүнд Олон улсын шүүгч Х.Ганболд оролцжээ. Улмаар тэмцээний эрэгтэйчүүдийн 55 кг-ын жинд Б.Номин, эмэгтэйчүүдээс 72 кг-д О.Бурмаа аваргалсан байна. Тэмцээнд амжилттай оролцсон бөхчүүдийг танилцуулъя.
Эрэгтэй 55 кг 1. Батболдын Номин 66 кг
3.Ганзоригийн Мандахнаран 84 кг
3. Оргодолын Үйтүмэн 96 кг
3. Доржхандын Хүдэрбулга 120 кг
3. Жаргалсайханы Чулуунбат Эмэгтэй 48 кг
2. Цогтбазарын Энхжаргал
3. Эрдэнэсүхийн Нарангэрэл 55 кг
2. Пүрэвдоржийн Орхон 63 кг
3. Шархүүгийн Түмэнцэцэг
3. Баатаржавын Шоовдор 72 кг
1. Очирбатын Бурмаа
3. Бадрахын Одончимэг