Өнгөрсөн бямба гаригт буюу 4 сарын 6-нд “Associated Press” агентлаг нэрт жүжигчин Уэсли Снайпс Пенсильван мужийн шоронгоос суллагдсан талаар мэдээлсэн байна. Татвараас зайлсхийсэн хэргээр түүнд шүүхээс гурван жил шоронд хорих ял оноосон юм. Түүнийг 2010 оноос Пенсильвани мужийн Льюис Раны хорих ангид хоёр жил гаруй хугацаанд хорьсны эцэст хугацаанаас нь өмнө сулласан байна. Снайпсын хоригдож байсан өрөө шүршүүр, зурагт, бэлтгэлийн заал, видео системтэй төлбөртэй өрөө байсан аж. Эдүгээ 50 настай Снайпсын бүтээсэн дүрүүд үзэгчдийн сэтгэлд хэдийнэ хоногшсон билээ. Тухайлбал, түүний тоглосон кинонуудаас “White men can’t jump”, “Demolition man”, “Fanat”, “Primer”, “Money Train”, “Passenger 57”, “Brooklyn"s Finest” болон “Blade” зэрэг олон бүтээлийг нэрлэж болох юм.