Сонирхогчдын боксын улсын дөрвөн удаагийн аварга, Кикбоксын дэлхийн аваргын алт, мөнгө, хүрэл медальт, ОУХМ Б.Ганбаатарын нэрэмжит өсвөр, залуучуудын аварга шалгаруулах олон хотын нээлттэй тэмцээн Сүхбаатар аймгийн Баруун-Урт хотод боллоо. Тэмцээнд дөрвөн аймгийн 100 орчим өсвөрийн шилдэг ширэн бээлийтнүүд эрэгтэй найм, эмэгтэй 46 кг-ын жинд тулалдаж аваргуудаа тодруулжээ. Ийнхүү багийн дүнгээр “Жанжны алдар” клуб 53.5 оноогоор тэргүүлсэн бол Дорнод аймгийнхан удаах байрт шалгарчээ. Харин тэмцээний шилдэг тамирчнаар “Жанжны алдар” клубийн тамирчин Н.Идэрмөнх тодорсон байна.