БНСУ-ын Улсан хотод өнгөрсөн оны арванхоёрдугаар сард өндөр настан Ким дэлгүүрийн гадаа тааралдсан бага ангийн хоёр охины гараас барьж хөөрхөн шүү , хайртай гээд хацар дээр нь үнссэн бөгөөд энэ үед харж байсан нэгэн эмэгтэй цагдаагийн газар дуудлага өгснөөр түүнийг бага насны охидыг садар самуунд уруу татан хүч хэрэглэн үнссэн хэмээн саатуулсан байна. Өндөр настан Ким энэ үйлдлийнхээ хариуд таван сая воноор торгуулах шүүхийн шийдвэр сонсоод байгаа юм. Бага сургуульд сурдаг болон түүнээс доош насны эмэгтэй хүүхдүүдийг танихгүй байж хөөрхөн хэмээн хацар, уруул дээр нь эцэг эхийн зөвшөөрөлгүйгээр, эсвэл ганц нэгээрээ явж байхад нь үнсдэг өндөр настай өвөө нарын үйлдэлд хариуцлага тооцохоор болсон нь энэ юм. Ээжүүд энэ талаар ихээхэн хүсэлт гаргаж байгаатай холбогдуулан цаашдаа өндөр настан өвөө нар 13 ба түүнээс доош насны охидын биед гар хүрэх , үнсэх нь хуулиар хориотой болж байгаа юм.