Бостоны марафон гүйлтийн тэмцээний үеэр халдлага үйлдсэн ах дүү Царнаев Америкийн тусгаар тогтнолын баяраар амиа золиослохоор төлөвлөж байсныг хэвлэлүүд бичиж байна. Учир Жохар Царнаев мэдүүлэг өгөхдөө ч үүнийг баталсан байна. Тэдний хийж байсан тэсрэх бөмбөг төлөвлөсөн хугацаанаас өмнө бэлэн болчихсон учраас Тусгаар тогтнолын өдрийг хүлээгүй аж. Тэд олон хүн цугласан гүйлтийн тэмцээний үеэр бөмбөгөө дэлбэлэхээр болсон юм байна. Америкийн тал Жохар Царнаевын ахын цогцсыг эхнэрийнх нь хүсэлтээр гэр бүлийнхэнд эргүүлэн өгсөн байна. Гэхдээ түүнийг хэзээ хаана оршуулах, хэнд хүлээлгэн өгсөн нь тодорхойгүй байгаа юм.