Австрийн Вена хотноо олон улсын эмэгтэйчүүдийн хүндийн өргөлтийн аварга шалгаруулах 10 дахь удаагийн Гран-при тэмцээн болжээ. Тэмцээнд 15 орны 70 гаруй тамирчин оролцсоны дунд Хонконгийн Вэйли Ю, Английн Михайл Брээзэ, Наташа Пэрдү нарын олимпийн зэрэглэлийн тамирчин байлаа. Манай улсаас Ц.Оюунчимэг тэмцээний “Мастер Гран-при” ангилалд оролцон түлхэлттэй болон огцом өргөлтөөр нийт 140 кг-ыг амжилттай өргөн алтан медалийн эзэн болсон байна. Ц.Оюунчимэг хүндийн өргөлтийн спортоор хоёр жил хичээллэж байгаа бөгөөд 2012 онд Украинд болсон дэлхийн аварга шалгаруулах тэмцээнд оролцож, алтан медаль хүртжээ.