АНУ–ын зэвсэгт хүчний Жанжин штабын дарга, генерал Мартин Демпси болон Сенатын Гадаад харилцааны хорооны бүгд найрамдах намын нөлөө бүхий гишүүн, сенатч Боб Корнер нарын албаны хүмүүс ОХУ–ыг Сирийн Засгийн газарт усан онгоц эсэргүүцэгч дэвшилтэт далавчит пуужин нийлүүлснийг буруушаалаа. Тэд “ОХУ энэ үйлдлээрээ Сирийн иргэний дайныг зогсоож улс төрийн шинэчлэл явуулах олон улсын хүчин чармайлтыг үгүй хийлээ” хэмээжээ. АНУ тэргүүтэй барууны орнууд Сирийн сөрөг хүчний байгууллагуудын хүсэлтээр Сирид нислэгийн хориотой бүс тогтоож, далайн тээврийг нь хязгаарлах хүртэл арга хэмжээ авах талаар хэлэлцэж байгаа гэнэ. Харин ОХУ – аас “Яхонт” хэмээх усан онгоц эсэргүүцэгч дэвшилтэт далавчит пуужин авсан Сирид энэ хориг арга хэмжээг тогтооход илүү хүндрэл учирна гэж АНУ – ын зэвсэгт хүчний нэрээ хэлэхийг хүсээгүй нэгэн албан тушаалтан “Нью – Йорк Таймс” сонинд ярьжээ.