Өмнөд Африкийн Бүгд Найрамдах Улсын төрийн тэргүүн асан Нельсон Манделагийн охид эцгийнхээ хөрөнгөнөөс хувь хүртэхийн тулд шүүхээр заргалдаж байна. Апартейд дэглэмийн эсрэг тэмцэгч гэдгээрээ алдартай өдгөө 94 настай Манделагийн биеийн байдал сүүлийн үед эрс муудсан. Түүний охин Зенани Аргентинд улсаа төлөөлөн суудаг элчин сайд бол удаах охин Маказиве нь бизнес эрхэлдэг аж. Тэд Йоханнесбургийн дээд шүүхээс Манделагийн санхүүгийн асуудлыг зохицуулдаг байсан, өмгөөлөгч Исмаил Айобад тавьсан хоригоо цуцлахыг шаардсан байна. Одоо тэрээр экс Ерөнхийлөгчийн охидын ашиг сонирхлыг төлөөлж байгаа аж. Мандела болон түүний охидын хоорондох зөрчил 2004 оноос хойш үргэлжилж байгаа. Тэр үед Мандела охидоо хүүхдийн хөгжлийг дэмждэг сангийнх нь ажилд оролцохгүй байхыг хүсч байгаа мэдэгдсэн билээ. Уг сангийн хөрөнгө 1,7 сая доллараар хэмжигддэг аж. Учир нь экс Ерөнхийлөгч охид нь энэ хөрөнгөнд гар хүрэхээргүй хангалттай баян хэмээн үзсэн аж. Учир нь Манделагийн гэр бүлд 110 компани, харшууд, уурхай болон бусад үл хөдлөх хөрөнгө байдаг аж. Ялангуяа Маказиве “Nestle” зэрэг 16 компанийн захирлуудын зөвлөлд багтдаг. Харин Зенанид есөн уул уурхайн үйлдвэр байдаг аж.