ОХУ-ын Казань хотноо оюутны зуны спортын XVII универсиад наадам ирэх сарын 6-17-ны өдрүүдэд болно. Уг наадамд 170 орны 13500 тамирчин өрсөлдөх бөгөөд тэмцээн тус хотын "News Rubin" цэнгэлдэх хүрээлэнд болно. Тамирчид сагсан бөмбөг, усны поло, жүдо, хөнгөн атлетик, ширээний теннис, усанд сэлэлт, туялзуур сэлэм, хөдөлгөөнт гимнастик, бокс, чөлөөт бөх, элсний волейбол, буудлага, хүндийн өргөлт, самбо, регби, бадминтон, шатар гэсэн 27 төрлөөр авхаалж самбаа, хурд хүчээ сорино.