Венесуэль дэх АНУ-ын ЭСЯ-ны хоёр ажилтан Каракас хотын худалдааны төвд тансаг үйлчилгээний дэлгүүрийн ажилтантай маргалдах үеэрээ буудуулж шархадсан байна. Америкчуудтай маргалдсан эр уурандаа гар буу гарган нэгийнх нь гэдсэнд, нөгөөгийнх нь хөл рүү бууджээ хэмээн орон нутгийн хэвлэлүүд мэдээлжээ. АНУ-ын цэргийн атташегийн туслах, өөр нэг ажилтан хоёрыг эмнэлэгт хүргээд буудсан этгээдийг цагдаагийнхан эрэн сурвалжилж байгаа юм байна.