Австралийн элчин сайд Жулия Гиллард Канберра хотын нэгэн дунд сургууль дээр зочлон үг хэлж байтал хэн нэгэн түүн рүү хачиртай талх шидсэн байна. Аз болоход энэхүү гэнэтийн “сум” нь элчин сайдыг оноогүй аж. Тэрбээр, “Намайг өлсгөлөн яваа гэж бодсон юм байлгүй дээ” хэмээн тоглоом болгон өнгөрүүлжээ. Энэхүү үйл явдлын бичлэг бүхий дүрс дэлхийн цахим хуудсуудаар тавигдаж багагүй анхаарал татаад байна. Бичлэгээс үзэхэд, хачиртай талх элчин сайдын зүүн талаас түүнийг чиглэн “ниссэн” агаад яг түүний өмнө нь буусан аж. Энэхүү гэнэтийн “дайралт” элчин сайдын хувьд сүүлийн сард хоёр дахь удаагаа давтагдаж байгаа юм. Тэрбээр тавдугаар сарын найманд бас нэгэн сургуулиар зочилж явах үед мөн ийм зүйл тохиолдож байсан.