Серена Уильямс /тэмцээний чансааны №1/ бямба гарагт Мария Шараповаг 6:4, 6:4 буулгаж авснаар “Ролан гаррос”-т анх удаа, “Их дуулга” цувралын тэмцээнд 16 дахиа түрүүллээ. Тэрбээр “Нээлттэй эрин” эхэлснээс хойш “Ролан Гаррос”-т түрүүлсэн хамгийн хөгшин теннисчин болж түүхэнд үлдлээ. Мөн энэ удаагийн ялалт нь түүний 31 дэх дараалсан хожил болжээ. С.Уильямс шигшээ тоглолтын дараах хэвлэлийн бага хурал дээр “11 жилийн өмнө би 31 нас хүрчихээд цаашдаа тоглосоор байх юм гэж төсөөлсөнгүй явлаа. 28 хүрээд л болино гэж боддог байсан юм. Гэтэл ингээд зогсч байдаг. Энэ удаагийн түрүү миний хувьд маш таатай сэтгэгдлийг төрүүлж байна. Мэргэжлийн теннисчин болсоор түрүүлж үзээгүй ганц “Их дуулга” нь энэ байсан болохоор. Ингээд би ганцаарчилсан, хос төрлийн аль алинд нь бүх “Их дуулга”-тай боллоо. Михний сэтгэл үнэхээр өндөр байна” хэмээн ярьжээ. Тэмцээний туршид байнга хоргоож байсан Францын хэвлэл мэдээллийнхний ачаар франц хэлний мэдлэгээ сайжруулаад авсан гэж өгүүлсэн байна. Хожигдож, дэлхийн чансааны 2 дугаар байраа алдах болсон Мария Шарапова “Үзүүлсэн тоглолтдоо сэтгэл хангалуун байна. Би сайн байсан. Аваргаа хамг,аална гэдэг угаасаа ердийн хэрэг биү гэдгийг мэдэж байлаа” хнэмээн ярьжээ. Сонирхолтой нь М.Шараповагийн байрыг хагас шигшээд түүнд ялагдсан В.Азаренка эзлэх гэнэ. Алдарт теннисчиний "алдаатай" зурагнаас