Оросын Томск хотын цагдаагийнхан, олон жил ажилласан туршлагатай ажилтнууд нь ч энэ хэргийг сонсоод шоконд орцгоожээ. 19 настай бүсгүйг найз залуу нь алаад, биеийг нь хэсэг хэсэг болгож хотоор л нэг тарааж хаясан байжээ. Цагдаагийнхны мэдээлж байгагаар бол хоёр залуугийн маргаан ийн санаанд оромгүй эмгэнэлт хэрэг болж дууссан байна. Залуугийн өөрийн хэлснээр бол тэд маргалдаад залуу бүсгүйгээ түлхсэн чинь унахдаа бэртэл авч нас барж. Дараа нь тэр хайч, хутгаар биеийг нь хэсэглээд такси хөлслөн явж хотын хогийн савуудад тарааж хаяжээ. Залууг өөрийнхөө эхийн байрны дэргэд байхад нь саатуулж, тэрээр хэргээ хүлээж, хэргийн газарт туршилт хийж үзүүлсэн ч олон зүйл тодорхой биш байгаа юм байна. Ухаандаа тэр бүсгүйн биеийг хэсэглэн хуаахдаа нэг цаг зарцуулсан гэж байгаа ч үүнд хамгийн багаар бодоход хэдэн цаг зарцуулсан баймаар. Тэгээд ч бүсгүйн их цогцос өнөө болтол олдоогүй байгаа юм байна.