Монгол бөхийн өргөөнөө сумын цолтой болон залуу бөхчүүдийн барилдааны энэ оны хаалтын барилдаан   болж өндөрлөлөө. Хаалтын барилдаанд сумын заан Ш.Пүрэвгарьд, Б.Баянмөнх, Б.Төмөрбаатар, Н.Золбоо, Ц.Мөнхбаяр, Н.Ширчинхүү, Б.Бат-Өлзий, Д.Батхүрэл, Б.Баатарсүрэн, Э.Даш, У.Береке, Х.Оргилболд, Ё.Улсболд, Ц.Эрхэмбаяр  нарын тэргүүтэй 380 бөх зодоглосноос  Ховд аймгийн Зэрэг сумын харьяат Ховд дэвжээ, Шонхор дээд сургуулийн бөх сумын заан Б.Бат-Өлзий түрүүлж, Баянхонгор аймгийн Баянбулаг сумын харьяат Их богд дэвжээний бөх сумын заан Н.Золбоо үзүүрлэж, Завхан аймгийн Баянтэс сумын харьяат Эрч спорт хороо, Завхан дэвжээний бөх сумын заан Ш.Пүрэвгарьд шөвгийн гуравт шалгарав. Шөвгийн тавд Увс аймгийн Тэс сумын харьяат Увснуур дэвжээний бөх сумын заан Х.Оргилболд, Архангай аймгийн Цэнхэр сумын харьяат Бөхбилэгт дэвжээний бөх сумын заан Б.Баатарсүрэн нар шалгарчээ. Энэхүү барилдааныг зохион байгуулснаар залуу бөхчүүдийн чансаа хэр явааг олон түмэн таалан соёрхдог нэг ёсондоо сорилго барилдаанууд болж хэвшээд нилээд хэдэн жил болж байгаа билээ. Наадам ойрхон байна. Сумын цолтонгууд аймгийн, улсын цолтонгууд болоорой хэмээн ерөөе