Энэтхэгийн Мумбай хотын зах орчмын орон сууцны барилга нурж хоёр хүүхэд газар дээрээ амь насаа алджээ. Одоогоор бусад хохирогчдийн тоо хараахан тодорхой болоогүй байна хэмээн тус улсын албаны эх сурвалж BBC-гээр дамжуулан мэдээллээ. Амиа алдсан хүүхдүүдийн нэг нь хоёр настай охин, долоон настай хүү байсан гэнэ. Нурсан барилга гурван давхар байсан бөгөөд олон тооны хүн дарагдаж, бэртэж гэмтсэн байна. Барилга чухам ямар шалтнаанаар нурсан нь одоогоор тодорхойгүй байна. Орон нутгийн иргэдийн мэдээлж буйгаар Энэтхэгт иймэрхүү осол аваар их түгээмэл гарах болсон бөгөөд энэ нь ядуухантөсөвтэй барилгын компаниудын чанаргүй барилга барьж байгаатай холбоотой гэжээ.