АНУ-ын тэргүүн хатагтай Мишель Обама Цагаан ордон дахь амьдралаа “маш сайхан шорон” дахь амьдралтай зүйрлэсэн талаар “The Washington Examiner” мэдээллээ. Тэрээр энэ тухай Танзанид болсон Африк эмэгтэйчүүдийн дээд хэмжээний уулзалт дээр хэлсэн бөгөөд АНУ-ын Еөнхийлөгч асан бага Жорж Бушийн эхнэр Лора ч тэнд байжээ. Нэгэн цагт Жорж Вашингтоны гэргий Марта ч өөрийгөө төрийн шоронгийн хоригдолтой хамт амьдарч байгаа юм шиг хэмээн амьдралаа тодорхойлж байсныг сэтгүүлч Куки Робертс дурссан байна. АНУ-ын тэргүүн хатагтайн хэлсэн үгс үргэлж л дуулиант мэдээ болон олны сонорт хүрч байдаг. Үүнээс өмнө Мишель Обама өөрийгөө өрх толгойлсон эх хэмээн санамсаргүй нэрлэж байсан удаатай.