Бразилд сонирхогчийн хөл бөмбөгийн тэмцээний үеэр шүүгч 20 настай Отавио Да Силва 30 настай хөл бөмбөгч Жосэнира Дос Сантосыг гомдол гаргаж, бухимдсаных нь төлөө хэд хэдэн удаа хутгалжээ. Гэтэл дараа нь үүнээс ч дор юм болж аймшигт явдлыг нүдээр харсан хөгжөөн дэмжигчид үймэлдэж талбай дээр гаран шүүгч залууг чулуугаар шидлэн үхтэл нь балбажээ. Эцэст нь түүнийг талбайн голд аваачиж өвдөг дээр нь суулгаж байгаад толгойг нь авсан байна.
Цагдаагийнхан шүүгчийг алсан хэрэгт сэжиглэж тэднээс нэг хүнийг баривчлан саатуулжээ. Хөл бөмбөгийн талбайд аймшигтайгаар цуст аллага үйлдсэн бусад хүмүүсийг ч эрэн сурвалжилж байгаа юм байна.
-Бид энэ хэрэгт буруутай бүх хүнийг олж хариуцлага тооцох болно. Нэг аллагын төлөөнөө нөгөө аллагыг нь зөвтгөх ямар ч арга байхгүй гэж орон нутгийн цагдаагийн газрын төлөөлөгч Вальтер Коста мэдэгдсэн байна.