Нэрт хөлбөмбөгч Криштиано Роналдог дуучин бүсгүй Рианна ижил хүйстэн гэсэн нь томоохон дуулиан дэгдээгээд байна. Рианна фэйсбүүктээ Роналдотой хамт авахуулсан зургаа тавиад дор нь “Ижил хүйстэн найзынхаа хамт” гэсэн тайлбар тавьсан байжээ. Өнгөрсөн тавдугаар сард Португалын Лиссабон хотноо болсон Рианнагийн тоглолтын үеэр Роналдо энэ зургийг авахуулсан ажээ. Тухайн үед сэтгүүлчид тэднийг ямар нэгэн учир ургуулсан эсэхийг хэвлэлээр шуугиад өнгөрсөн юм. Тэгэхэд Рианна энэ мэдээллийг үгүйсгэж, “Би олон ижил хүйстэн найзтай. Бэлгийн олон чиг хандлагыг би үгүйсгэдэггүй” хэмээн өгүүлсэн нь олны анхаарлыг татаж байсан ажээ. Гэхдээ Рианнагийн Роналдог ижил хүйстэн гэсэн үг олны яриаг дагасан хэрэг үү эсвэл зүгээр л дэггүйтсэн явдал уу гэдгийг олон нийт ойлголгүй өнгөрчээ.