Перугийн Ерөнхийлөгч асан Алехандро Толедог тус улсын прокурор долоон цагийн турш байцаажээ. Түүний хадам эх тансаг зэрэглэлийн барилга олноор худалдаж авсантай холбогдуулан ийнхүү байцаажээ. Коста-Рикагийн банкаар дамжуулан хоёр барилгыг худалдан авсны нийлбэр дүн нь зургаан сая ам.доллар болсон аж.
Перугийн шүүх, прокурорын газраас Коста-Рика дахь банкны дансыг хаах хүсэлт гаргасан байна. Байцаалтын дараа Ерөнхийлөгч асан дээрх асуудалтай ямар ч хамаагүй хэмээн мэдэгдэл хийжээ. Хадам эх болох Бельгийн иргэн Эва Ферненбург үл хөдлөх хөрөнгийн бизнестэй гээд Коста-Рикад ямар ч дансгүй гэдгээ ч хэлжээ. Алехандро Толедо 2001-2006 онд Перугийн төрийн тэргүүнээр ажиллаж байсан юм.