ОХУ-ын Ерөнхийлөгч Владимир Путины эхнэр Людмила нөхрөө цус сорогч хэмээн нэрлэсэн бол Путин үүний хариуд түүнийг “Людмилатай ядаж гурван долоо хоног хамт амьдарч чадсан хүнийг баатар хэмээн өргөмжилж, хөшөө босгоно” хэмээн хэлсэн гэдэг. Эстонийн сурвалжлагч Кристер Парис хэлсэн бөгөөд тэрээр үүнийг Путины гэр бүлийнхэнтэй ойр дотно байдаг Германы Ирен Питчийн гэр бүлийнхний дурсамж дээр тулгуурлан баталж байгаа аж. Оросын төрийн тэргүүний албан ёсоор гэр бүлээ цуцлуулах явдал маш ховор үзэгдэл бөгөөд хамгийн сүүлд Оросын эзэн хаан I Петр л ийм шийдвэр гаргаж байжээ.