Өмнөд Судан улсын улстөрд томоохон өөрчлөлт гарах гэж байгаа бололтой. Өчигдөр буюу долдугаар сарын 23-ны мягмар гараг тус улсын Ерөнхийлөгч Сальва Киир Засгийн газрын бүх гишүүд болон дэд Ерөнхийлөгчөө хүртэл албан тушаалаас нь буулгах тушаалыг гаргажээ.

Одоо шинэ Засгийн газрыг бүрдүүлэх үйл явц дуустал сайд нарын үүрэгт ажлыг тэдний орлогчдод нь даалгах захирамжийг Ерөнхийлөгч Сальва гаргасан байна.

Тэрээр Сайд нарын танхимыг тэр чигт нь татан буулгаснаас гадна яамдыг 30-аас 18 болтол нь цөөлсөн байна. Чухам ямар шалтгааны улмаас ийм арга хэмжээ авч, боловсон хүчний томоохон цомхотгол хийж байгаа нь тодорхойгүй байна.