НҮБ-ын Эмэгтэйчүүдийн асуудлаарх хорооны илтгэлд 2014 онд Афганистаны нутаг дэвсгэр дээрээс Олон улсын цэргийн хүчинг гаргаснаар маш олон афган эмэгтэйчүүдийн амь насыг аюулд оруулж мэдэх тухай дурджээ.

Тус хороо олон афган эмэгтэйчүүд одоо болтол ахуйн хүрээний асар их хүчирхийлэлд өртөж, хүчээр нөхөрт гарч, хүчиндүүлж, бүр чулуугаар шидүүлэн цаазлуулсаар байгааг илтгэлдээ тусгасан байна. Зарим эмэгтэйчүүд хүчээр нөхөрт гаргахыг эсэргүүцснээс болж амьдаар нь шатаах шийтгэл хүлээсэн байна.

Мөн хохирогч эмэгтэйчүүдэд хүчирхийлэлд өртөж байгаа тухайгаа шүүхэд гомдол гаргахыг зөвшөөрдөггүй төрөл төрөгсдийг нь уг илтгэлд шүүмжилсэн байна. Хороонгы тэргүүн Николь Амелин Олон улсын нийгэмлэгүүд тус улсын эмэгтэйчүүдийн эрхийг хамгаалахад одоо л анхаарлаа хандуулахгүй бол хожим ямар ч хүч, нөөц бололцоо байгаад үр дүнгүй хэмээн мэдэгдлээ. 2014 оны сүүлээр Олон улсын энхийг сахиулах хүчин Афганистаны нутаг дэвсгэрээс бүрмөсөн гарна. Тэднийг зөвхөн зөвлөх үүрэгтэй цөөн хэдэн цэргийнхэн л орлож үлдэх юм байна.