Долдугаар сарын 19-нд Энэтхэгийн нэгэн дунд сургуулийн гурван багш шавь нартаа зодуулжээ. Бихар мужийн улсын сургуулийн сурагчид төрөөс сурагчдын үдийн цайнд үнэгүй олгодог хоолны чанарт сэтгэл дундуур байгаагаа ийнхүү илэрхийлсэн аж.

10-16 насны 100 гаруй сурагч мужийн зөвлөлийн байр руу хоолны чанар муу байгаад бухимдаж байгаагаа илэрхийлэхээр явсан байна. Мөн тэр үед багш нар ч өөрсдийн тайлбарыг хийхээр очсон аж.

Гэтэл уурлаж, бухимдсандаа биеэ барьж дийлээгүй сурагчид тэдэн рүү дайрчээ. Багш нар сурагчдын гараас мултарч чадсан тул хүнд гэмтэл бэртэл аваагүй гэнэ. Харин тэдний өмссөн хувцас л юу ч үгүй болтлоо урагдсан ажээ.